Tónlistarskólinn á Akureyri

Grasrótartónleikar í Hofi laugardagskvöldið 25. febrúar kl. 21.

Tue, 21 Feb 2012 14:32:00 +0000

Hljómsveitirnar Hindurvættir, Gruesome Glory, Buxnaskjónar og Völva ætla að bjóða upp á ferskan tónflutning sem gæðir Hofi nýjum blæ. Allt frá glaðværu pönki og krefjandi tæknilegu þungarokki yfir í hægari tóna með blúsáhrifum og tilraunablæ. Týndir bræður sem vinna að skapandi tónlistarstarfi og hafa sameiginlegt sjónarmið: Að brjóta upp þann hversdagslega ramma sem svo gjarnan áreitir hlustir okkar í daglegu afþreyingamynstri.

Silfurtunglið býður upp á ókeypis söngleikhús

Mon, 20 Feb 2012 14:24:00 +0000

Leikfélagið Silfurtunglið býður upp á leikhús og leikhúsfræðslu á Akureyri í samstarfi við Tónak og Menningarhúsið Hof. Brechtískur kabarett í Hömrum þriðjudaginn 21. febrúar kl 20:00.

MIKILVÆG AUKAÆFING

Mon, 20 Feb 2012 11:03:00 +0000

Framundan er dagur Tónlistarskólans á Akureyri þann 3. mars. Mikið verður um dýrðir þann dag og eitt af verkefnunum er að strengjasveitir 1 og 2 ásamt grunnsveit og blásarasveit skólans eru að spila saman á stóra sviðinu í Hamraborg. Þetta verða hátt í 100 nemendur.

Upprifjunardagur

Mon, 20 Feb 2012 10:58:00 +0000

Laugardaginn 18. febrúar var upprifjunardagur hjá Suzukinemendum. Þátttkan var mjög góð og var hópnum skipt eftir hljóðfærum; píanó, fiðla, viola og selló. Farið var í gegnum fyrstu tvær bækurnar og í hléi bauð foreldrafélag Suzukinemenda uppá veitingar.

Gítarnemendur á kaffihúsatónleikum.

Thu, 16 Feb 2012 16:13:00 +0000

Föstudaginn 17. febrúar spila gítarnemendur á kaffihúsatónleikum á 1862 Nordic Bistro. Tónleikarnir hefjast kl 16 og eru allir velkomnir. Tilvalið að fá sér kaffibolla í lok vinnuviku og njóta ljúfra tóna.