Námið

Námsskipulagið í hnotskurn.

Tónlistarskólinn á Akureyri kappkostar að mæta þörfum og óskum nemenda sinna eftir því sem frekast er kostur en í skólanum er boðið upp á einstaklingsmiðað nám þar sem þarfir hvers og eins eru hafðar í fyrirrúmi.  Í skólanum er hægt að stunda ritmískt og klassískt nám með öflugu hljómsveitastarfi í samræmi við aðalnámsskrá tónlistarskólanna auk gæðanáms í elstu Suzukideild landsins.

Auk Suzukideildarinnar skiptist skólinn í þrjár deildir en það eru grunndeild, klassísk deild og ritmísk deild.  Í Grunndeild stunda þeir nemendur nám sem ekki hafa enn tekið grunnpróf en þar er lögð áhersla á fjörugt og skemmtilegt alhliða tónlistarnám sem lýkur með Grunnprófi.  Eftir grunnprófið gefst nemendum svo kostur á að velja hvort þeir vilja tilheyra klassískri eða ritmískri deild skólans en hefst það nám á miðstigi og lýkur meðframhaldsstigi.  Suzuki deild skólans fylgir örlítið öðru skipulagi en hinar deildirnar og hér til vinstri gefur að líta upplýsingar um frekara fyrirkomulag deildanna.