Forskóli

Forskólinn er ætlaður nemendum í 1. og 2. bekk grunnskólanna. Kennslan fer fram í húsnæði grunnskólanna strax að loknum skóladegi, milli kl. 13.00 og 13.30. Takmarkaður fjöldi er í hverjum hóp og eru tímarnir 45 mínútur.

Námið gengur mikið útá söng, hreyfingu, hlustun og leiki. Einnig verða notuð skólahljóðfæri og blokkflauta.

Meðal spennandi verkefna fyrir Tónlistarforskólanemendur þá má nefna að Tónlistarskólinn á Akureyri hefur verið boðið að gerast þróunarskóli fyrir verkefnið Maxímús Músíkús. Þetta er námsefni fyrir unga nemendur og er kennt í gegnum tölvur. Höfundur er Hallfríður Ólafsdóttir flautuleikari. Maxímús Músíkús er upphaflega samstarfsverkefni við Sinfóníuhljómsveit Íslands. Og er byggð á bók sem höfundur ritaði. Sagan er sögð frá sjónarhóli músar, sem mannfólkið verður aldrei vart við. Músin heitir Maxímús Músíkús. Hann villist inn í tónlistarhúsið og verður vitni að ýmsu skemmtilegu og skringilegu, yfirþyrmandi og yndislegu, bæði á æfingu og á tónleikum. Honum finnst svo gaman og spennandi að upplifa allt þetta að hann ákveður í lok bókarinnar að hafast áfram við í tónlistarhúsinu og sjá hvað fleira skemmtilegt gerist daginn eftir.

Vladimir Ashkenazy, verndari verkefnisins, hefur þetta að segja um bókina:
“Í þessari bók tekst á einstæðan hátt að laða börn áreynslulaust að heillandi heimi sinfóníuhljómsveitarinnar og opna þeim jafnframt leið að stórfenglegustu tónlist veraldarinnar - glæsilegt afrek!“

2. okt. 2011 ætlar Sinfóníuhljómsveit Norðurlands að flytja þetta verk, Maximús Músíkús, í samvinnu við Tónlistarskólann á Akureyri og eru þeir kl. 14:00 í Hofi.