Hagnýtar upplýsingar
Hljóðfærin sem kennt er á í blásaradeild skiptast í tvo hópa; tréblásturshljóðfæri og málmblásturshljóðfæri.
Tréblásturshljóðfæri eru t.d. blokkflauta, þverflauta, óbó, klarinett, saxófónn og fagott.
Málmblásturhljóðfæri eru t.d. trompet, kornett, es-horn, franskt horn, baritón-horn, básúna og túba.
Blásaranámið er þríþætt; einkatímar á hljóðfærið, hóptímar í tónfræði og samspil/hljómsveitir. Mjög mikilvægt er að æfa sig daglega og fyrir yngri nemendur er oft gott að æfa sig oft og stutt í hvert sinn frekar en sjaldan og lengi.
Brasshóptímanám er nýjung í starfsemi skólans og fóru fyrst fram síðastliðinn vetur. Nemendum er kennt í 2-3 manna hópum í grunnskólunum. Hver kennslustund er 45 mínútur og sér Vilhjálmur Ingi Sigurðarson um kennsluna. Í framtíðinni munu krakkarnir spila saman í blásarasveitum. Skemmtilegt nám fyrir fjöruga krakka!
Blásarar eru svo heppnir að hafa frábært foreldrafélag sem styður vel við starfið. Stjórn foreldrafélagsins sér meðal annars um fjáröflun fyrir blásarasveitirnar og foreldrar taka því iðulega ljúfmannlega þegar beðið er um aðstoð frá þeim.
Athugið: Öll blásturshljóðfæri þarf að passa fyrir óvitum eins og litlum börnum eða gæludýrum. Ekki leyfa vinunum (eða foreldrunum!) að prófa nema undir ströngu eftirliti. Tréblásturshljóðfærin eru sérstaklega viðkvæm fyrir hitabreytingum og raka. Ekki geyma þau út í bíl, upp við ofn eða í gluggakistum.
Ef hljóðfærin bila eða eitthvað situr fast t.a.m. munnstykki eða ventlar ræðið þá við kennarann. Alls ekki reyna að losa munnstykki, ventla eða baulur sjálf, það getur farið illa!
Hljómsveitarstarf:
Athugið að þátttaka í blásarasveitum er hluti af námi í áfangadeild og því skyldumæting.
Sjá stundaskrá fyrir samspilstíma hjá blásurum
Nokkrar áhugaverðar slóðir:
Kennarar við deildina veturinn 2009-2010:
Alberto Carmona saxófónn
Jakub Kolosowski tréblástur
Petrea Óskarsdóttir þverflauta
Una Björg Hjartardóttir tréblástur
Vilhjálmur Ingi Sigurðarson málmblástur
Kaldo Kiis málmblástur
Daníel Þorsteinsson undirleikur
