Hljóðupptökutækni 1a

Haustönn 2018

Kennari: Haukur Pálmason

Forkröfur:  Nemendur séu a.m.k. í 10. bekk í grunnskóla og eigi hljóðnema, tölvu og upptökuforrit

Hæfniþrep: 2

Einingafjöldi: 2

Áfangalýsing:

Kennt er um eðli og högun hljóðs, hugbúnað til að taka upp hljóð, virkni og gerðir hljóðnema, hvernig hljóðneminn breytir hljóðbylgjum í rafbylgjur, hljóðnematækni, upptökur á rödd, gítar og fleiri hljóðfærum. Einnig er farið í stafrænt hljóð - hvernig rafbylgjur breytast í stafrænar upplýsingar, þ.e. ferlið frá því að hljóð verður til í andrúmsloftinu, hvernig það breytist í rafbylgjur og því næst í tölur sem geymdar eru á hörðum diskum. Gert ráð fyrir að nemendur taki þátt í nokkrum upptökuverkefnum yfir önnina.

Námsmarkmið:

Þekking:

Nemandi skal hafa öðlast almenna þekkingu og skilning á:

• Virkni og eðli hljóðs
• Mismunandi tónlistarhugbúnaði og hver á best við hverju sinni
• Ólíkum gerðum hljóðnema, og notkun á þeim
• Hlutverki annara jaðartækja (formagnara og fl.)
• Tölvur og hljóð, hvernig virkar umbreyting á hljóði yfir í tölur sem tölvur nota.

Leikni:

Nemandi skal hafa öðlast leikni í að:

• Gera einfaldar hljóðupptökur
• Sjá til þess að búnaður sé rétt tengdur og virki vel.

Hæfni:

Nemandi skal geta hagnýtt sér þá almennu þekkingu og leikni til að:

• Gera einfaldar hljóðupptökur
• Átta sig á áhrifum umhverfis á upptökurnar
• Velja rétta hljóðnema og setja rétt upp

Námsgögn:

Nemendur frá glærur í hverri viku og jafnframt er stuðst við efni af vefnum.  Nemendur þurfa að hafa aðgang að hljóðnema, tölvu og upptökuhugbúnaði.

Námsmat:

Einkunn er annaðhvort staðist eða fallið.  Einnig er gefin umsögn eftir önnina.  Til að standast áfangann þarf að mæta í amk 80% af tímum sem eru og skila inn amk 80% af þeim verkefnum sem eru lögð fyrir.

Námsáætlun

Vika	Viðfangsefni	Verkefni
1 (11. Sept 2019)	Kynning á efninu,  hljóðveri Tónlistarskólans, og helstu tónlistarforritum	Greinargerð um upptökubúnað sem nemendur eiga eða hafa aðgang að
2 (18. Sept 2019)	Ferli hljóðs í stafrænum upptökum.  Uppbygging hljóðupptökuforrita.	Hljóðupptaka og klipping.
3 (25. Sept 2019)	Hljóðbylgjur – Eðli hljóðs	Hljóðupptaka – Skoða áhrif fjarlægðar á hljóminn.
4 (2. Okt 2019)	Grunntegundir af hljóðbylgjum.  Tíðni og tíðnimælar.	Notkun á tíðnimælum.
5 (9. Okt 2019)	Hljóðnemar – Meðhöndlun, helstu gerðir (dynamic, condenser, ribbon) og virkni þeirra	Ímyndaður innkaupalisti af hljóðnemum með rökstuðningi.
6 (16. Okt 2019)	Kassagítarupptökur
7 (23. Okt 2019)	Rafmagnsgítarupptökur	Greinargerð um gítarupptökur.
8 (30. Okt 2019)	“Polar Patterns” hljóðnema – Omni, Bi-Directional, Carioid.	Hljóðupptaka – Tilraunir með polar patterns.
9 (6. Nóv 2019)	Söngupptökur – Áhrif hljóðnematækni og rýmis	Hljóðupptaka á söng eða tali.
10 (13. Nóv 2019)	Stereo upptökur	Greinargerð um Decca tré, sögu, hljóðnema og notkun.
11 (20. Nóv 2019)	MIDI og sýndarhljóðfæri - Kynning	Greinargerð um þá Midi möguleika og sýndarhljóðfæri sem nemendur hafa til umráða.
12 (27. Nóv 2019)	Stafrænt hljóð I	Útreikningur á plássi fyrir hljóðupptökur.
13 (4.  Des 2019)	Stafrænt hljóð II
14 (11. Des 2019)	Upprifjun

 

Réttur til breytinga á þessari áætlun er áskilinn.