Það var rafmagnað andrúmsloft í Iðnó þann 25. apríl síðastliðinn þegar úrslit Wacken Metal Battle Iceland 2026 fóru fram. Eftir harða keppni milli efnilegustu þungarokkshljómsveita landsins var það stoner- og sludge-sveitin SÓT sem stóð uppi sem sigurvegari. Það er ekki skrýtið því hljómsveitin er gríðarlega þétt, þung og kraftmikil

Meðlimir SÓT koma frá Akureyri og Stykkishólmi.  Hljómsveitina skipa Arnar Smári Sigurðsson trommuleikar, Aron Freyr Ívarsson söngvari, Daníel Hrafn Ingvarsson gítarleikari, Ísleifur Jónsson gítarleikari og Ívar Leo Hauksson bassaleikari. Daníel Hrafn útskrifaðist úr Skapandi tónlist síðasta vor og Ívar Leo útskrifast nú í vor.  Aron Freyr er einnig nemandi hér í tónlistarskólanum.  

 

Með sigrinum tryggði SÓT sér farseðilinn á Wacken Open Air (W:O:A) í Þýskalandi, sem er eins stærsta og virtasta þungarokkshátíð í heimi.  Hátíðin fer fram 29. júlí - 1. ágúst og er búist við u.þ.b. 85.000 gestum frá yfir 80 löndum.  Talað er um að 2.000 manna þorpið Wacken breytist úr fámennu samfélagi í höfuðborg þungarokksins í eina viku.  Hljómsveitir frá yfir 30 löndum munu þar keppa um vegleg verðlaun, samninga og kynningu.

 

Einnig mun SÓT spila á þungarokkshátíðinni Sátan sem fram fer á Stykkishólmi 4. - 6. júní næstkomandi.  Þar verða þeir með hljómsveitum eins og Sólstafir, Múr, Sign og Stripshow þannig að SÓT eru komnir í efstu deild íslenks þungarokks.

 

Hér að neðan má sjá hljómsveitina SÓT spila á Wacken Metal Battle Iceland 2026.