Jón Þorsteinn Reynisson harmonikuleikari hóf tónlistarnám sitt í Tónlistarskóla Skagafjarðar, og stundaði síðar nám við Konunglega tónlistarháskólann í Kaupmannahöfn þar sem hann lauk bakkalárgráðu árið 2015 og meistaragráðu árið 2018.

Jón hefur skipulagt og tekið þátt í hinum ýmsu tónlistarverkefnum hvort heldur sem er í nútímatónlist, klassískri tónlist, tangótónlist eða öðrum tónlistarstefnum. Hann er nú sjálfstætt starfandi tónlistarmaður, og tónlistarkennari við Tónlistarskóla Eyjafjarðar og Tónlistarskólann á Akureyri.

Jón er meðlimur í íslenska harmonikutríóinu ítríó, sem spilað hefur víða í Evrópu við góðan orðstýr, og lauk Advanced post-graduate diplómu í september 2022 frá Konunglega tónlistarháskólanum í Kaupmannahöfn.