Skapandi hljóðvinnsla

Skapandi Hljóðvinnsla                                                                                      

Haustönn 2018

Kennari: Hallgrímur Ómarsson

Hæfniþrep: 1

Einingar: 2

Forkröfur: Nemendur séu a.m.k. í 10 bekk í grunnskóla og hafi aðgang að tölvu og
einhverskonar upptökubúnaði (t.d. snjallsíma)

Áfangalýsing:

Nemendur læra aðferðir og undirstöðuatriði í hljóðvinnslu. Farið verður í upphaf skapandi hljóðvinnslu og hvernig þróunin hefur verið frá Stockhausen til dagsins í dag. Nemendur fá að kynnast búnaði og hugbúnaði sem notaður er í hljóðvinnslu og fá tækifæri til að þróa sínar eigin aðferðir við tónlistarsköpun. Einnig verða gerð skil á útsetningum og mikilvægi þeirra við vinnslu á tónlistarverkefnum nemenda. Nemendur læra að nýta sér nútíma aðferðir við sköpun sína, s.s. virtual instruments og midi, í bland við “hefðbundnari” hljóðvinnslu og live upptökur. Verkefnin eru fjölbreytt og sniðin að einstaklingsnámi og óháð getu og aðgengi að hljóðtæknibúnaði, eins og mögulegt er.

Námsmarkmið:

Nemandi skal hafa aflað sér almennrar þekkingar og skilnings á:

• Grunnhugtökum í hljóðvinnsluforritum (DAW)
• Live upptökum s.s. söng
• Virtual instruments og midi og notkunar á hardware tengt því
• Útsetningum og mikilvægi þeirra

 Nemandi skal hafa öðlast leikni í að:

• Nota hljóðupptökuforrit (DAW)
• Fá búnað til að vinna saman
• Annast upptökur með hljóðnemum
• Hlustunargreina lög með tilliti til útsetninga

Nemandi skal geta hagnýtt þá almennu þekkingu og leikni sem hann hefur aflað sér til að:

• Skapa sér aðstöðu til tónlistarsköpunar
• Búa til sína eigin tónlist og unnið hana í fullkomnum gæðum

Námsgögn:

Kennari úthlutar námsgögnum í tímum. Gott er að verða sér út um bókina Modern Recording Techniques e. David Miles Huber.

Námsmat:

Námsmatsþáttur	Lýsing námsmatsþáttar	Vægi
Mæting og þáttaka í tímum	Gerð er krafa um að nemendur séu með 80% mætingu í áfanganum og taki virkan þátt í umræðum.	50%
Verkefni	Nemendur fá verkefni í lok hvers tíma sem þeir eiga að standa skil á í næsta tíma, að viku liðinni.	50%

Námsáætlun:

Kennsluvikur	Viðfangsefni	Verkefni
15.-19. okt	Kynning. Music Concrete. Horft á heimildarmyndina “Making music from noise”	Hljóðlistaverk Nemendur útbúa verk úr hljóðum. 1-3 mín.
22.-26. okt	Meðhöndlun hljóðs í DAW	Hljóðlistaverk Nemendur fá örstuttan hljóðbút sem þeir eiga að breyta í hljóðverk 1 mín
29. okt-2. nóv	Kynning. Útsetningar. Nemendur kynnast helstu aðferðum við útsetningar.	Kynning Nemendur velja lag sem þeim finnst vel útsett. Kynna lagið og lagið er spilað (ekki flutt)
5.-9. nóv	Útsetningar. Haldið áfram að ræða útsetningar.	Nemendur fá með sér lag sem þeir eiga að greina.
12.-16. nóv	Hljóðupptaka. Nemendur fá kennslu í DAW og signal flow.	Kynnt síðar
19.-23. nóv	Hljóðverskynning Nemendur fara í vettvangsferð í hljóðver	Ekkert verkefni
26.-30. nóv	Sound editing. Nemendur fá kennslu í klippingu og meðhöndlun hljóðbúta.	Nemendur fá hljóðbúta til að klippa saman og vinna með.
3.-7. des	Midi. Kynning á MIDI og virtual instruments	Nemendur vinna lag með midi 3 mín
10.-14. des	Hljóðvinnsla	Nemendur vinna lag þar sem midi og audio er notað
17.-21. des	Jólagleði

 

Réttur til breytinga er áskilinn