Diana Sus er fyrrum nemandi okkar, en hún útskrifaðist af skapandi deild tónlistarskólans vorið 2020. Þá hélt hún burt úr bænum á vit fleiri tónlistarævintýra, en er nú komin aftur til Akureyrar full af krafti!

Diana frumflytur spunaverkið GLIT SÁLARINNAR eftir sjálfa sig á tónleikaröðinni TÓLF TÓNA KORTÉRINU næsta laugardag, 4. október.

Tónleikarnir eru kortérslangir, og eru haldnir á Listasafninu á Akureyri í Kaupvangsstræti kl. 15:00-15:15 og aftur kl. 16:00-16:15.

Aðgangur er ókeypis, og tónleikarnir henta ungum, gömlum, og öllum þar á milli mjög vel!

Þá má skoða sýningar listasafnsins í leiðinni. Það er uppskrift að góðum laugardegi.

Við hvetjum nemendur og fjölskyldur til að nýta sér það góða tón-uppgötvunartækifæri og hlýða á Diönu!