Mitt Faðirvor

Mitt Faðirvor

Kristján frá Djúpalæk

Ef öndvert allt þér gengur

Og undan halla fer,

Skal sókn í huga hafin,

Og hún mun bjarga þér.

Við getum eigin ævi

í óskafarveg leitt,

og vaxið hverjum vanda,

sé vilja beitt.

Þó örlög öllum væru

á ókunn bókfell skráð,

það næst úr nornahöndum,

sem nógu heitt er þráð.

Þrjú orð að endurtaka

ég er við hvert mitt spor:

Fegurð, gleði, friður

mitt faðirvor.