Fréttir

Föstudaginn 16. desember verða nemendur tónlistarskólans út um allt í Hofi að syngja og spila. Blásaranemendur verða með stutt kaffihúsatónleika á 1862 Nordic Bistro kl 16 og kl 16:30 hefja nemendur í tónæði og forskóla upp raustina og syngja nokkur jólalög í Fljótinu. Allir velkomnir!

Laugardaginn 3. desember halda Suzukihópar sína árlegu jólatónleika og jólaball. Klukkan 11 hefjast tónleikarnir og spila fiðlu-, víólu-, selló- og píanóhópar. Eftir tónleikana verður svo haldið glæsilegt jólaball við undirleik jólasveinahljómsveitar skólans. Ekki er útilokað að óvæntir gestir bregði á leik :)

Í tengslum við tónleika Kristins Sigmundssonar og Víkings Heiðars Ólafssonar mun Tónlistarskólinn á Akureyri bjóða upp á kynningu á Vetrarferð Schuberts í myndum, tali og tónum þriðjudaginn 29. nóvember.

Jólatónleikar strengjanemenda verða mánudaginn 12. desember kl 18:00 í Hömrum. Þar koma fram fiðlu- víólu og sellónemendur. Allir velkomnir.

Jólatónleikar blásaradeildar verða mánudaginn 12. desember kl 16:30. Þar koma fram nemendur á blásturshljóðfæri sem leika ýmist einleiksatriði eða minni samspilsatriði. Tónleikarnir fara fram í Hömrum og eru allir velkomnir.

Jólatónleikar strengjasveita verða miðvikudaginn 7. desember kl 17:30 (athugið: breytt tímasetning).

Miðvikudaginn 7. desember 2011 kl. 19:00 verða jólatónleikar píanódeildar í Hömrum. Píanónemendur flytja verk úr ýmsum áttum í bland við fjörug jólalög.

Föstudaginn 11. nóvember fóru nokkrir Suzukifiðlunemendur á Sigurhæðir en 11. nóvember er einmitt afmælisdagur Matthíasar Jochumssonar og er haldið upp á það á hverju ári. Börnin léku nokkur lög og fengu góðar undirtektir.

Haldnir verða tónleikar með alíslenskri efnisskrá á degi íslenskrar tungu miðvikudaginn 16. nóvember. Jafnframt verður opnuð sýning um Björgvin Guðmundsson í húsnæði skólans.

Jólatónleikar verða haldnir í Hömrum miðvikudaginn 14. des. kl. 20:00 þar sem koma fram nemendur á hin ýmsu hljóðfæri og söng úr bæði klassísku og rytmísku deildinni. Þar munum við fá að heyra jólalög, tónlist eftir Bach, Mozart o.fl. og einnig lög eftir Clyderman og Joni Michell. Allir hjartanlega velkomnir.