Fréttir

Stóra upplestrarkeppnin fer fram í Menntaskólanum á Akureyri 11. mars kl. 17:00-19:00 Verkefnið sjálft hefst í skólunum á degi íslenskrar tungu, 16. nóvember. Markmið upplestrarkeppni í 7. bekk grunnskóla er að vekja athygli og áhuga í skólum á vönduðum upplestri og framburði. Keppnin sjálf er í rauninni aukaatriði og forðast skyldi að einblína á sigur.

Miðvikudaginn 4. mars 2015 kl. 20:00 verða haldnir tónleikar í Hofi til styrktar minningarsjóði um Þorgerði S. Eiríksdóttur. Þorgerður lauk burtfararprófi frá Tónlistarskólanum á Akureyri og var nýkomin til London í framhaldsnám er hún lést af slysförum í febrúar 1972. Ári síðar stofnuðu aðstandendur Þorgerðar ásamt Tónlistarskólanum og Tónlistarfélagi Akureyrar minningarsjóð, til að styrkja efnilega nemendur frá Tónlistarskólanum á Akureyri til framhaldsnáms.

Tónlistarskólinn á Akureyri heldur upp á dag tónlistarskólanna í Hofi þann 14. febrúar næstkomandi. Hof mun iða af lífi og tónlist þennan dag en dagskráin hefst með söng í Hamragili kl 12:45. Klukkan 13 hefst svo hljóðfærakynning og hljóðfærasmiðja opnar jafnframt. Fernir tónleikar verða í Hömrum; kl 13, 14, 15 og 16 þar sem m.a. koma fram strengja- og blásarasveitir auk fjölda annarra atriða og verður fjölbreytnin í fyrirrúmi. Ókeypis er á alla tónleikana, kynningarnar og smiðjurnar og eru allir hjartanlega velkomnir til okkar.

Á degi tónlistarskólanna þann 14. Febrúar nk. mun Tónlistarskólinn setja upp fjórða Óperublótið.. Mærþöll er ópera eftir Þórunni Guðmundsdóttur byggð á gömlu íslensku ævintýri. Í sögunni um Mærþöll kynnumst við þremur álagaglöðum álfkonum, sorgmæddri hertogafrú, vitgrönnum hertoga, ágjörnum féhirði, latri vinnukonu, kúski og kærustunni hans. Ekki má gleyma hinum hrifnæma prinsi Pétri og hertogadótturinni Mærþöll sem getur grátið gulli, þótt það sé álitamál hvort það færi henni hamingju. Sagan höfðar bæði til barna og fullorðinna; gleði, sorgir, ástarmál, álög og óvæntar uppákomur. Þórunn skrifaði þessa óperu miðaða út frá getu nemenda, bæði söngvara og hljóðfæraleikara í hljómsveit.

Það er alveg ótrúlega gaman í Solfege tímum og í síðustu tímunum sömdu nokkrir hópar hvert sitt jólalag:)

Jólatónleikar sem eru framundan jólin 2015 10. des Jólatónleikar tónlistarskólans í Hamraborg kl 18 12. des Jólasamsöngur forskóla- og hringekjunemenda kl 16:30. 16. des Gítardeild jólatónleikar kl 18 17. des Jólasöngtónleikar kl 20:00 Miðvikudaginn 10. desember kl 18 verða jólatónleikar Tónlistarskólans í Hamraborg. Fram koma nemendur úr ýmsum deildum skólans og af öllum námsstigum og leika fjölbreytta tónlist en auðvitað er jólatónlist í forgrunni. Aðgangur er ókeypis og allir velkomnir.

Mánudaginn 8. des verða haldin litlu-jól í Rytmísku deildinni þar sem við kennarar og nemendur í RTD ætlum við að eiga skemmtilega stund saman. Nokkur tónlistaratriði verða flutt og hver veit nema við endum svo með risasamspili ef þannig liggur á okkur. Við hlökkum til að sjá ykkur. Kennarar í RTD

Minnum á jólatónleika suzukideildar sem haldnir verða laugardaginn 6. desember með jólaballi og kaffihlaðborði. Tónleikarnir verða í Hömrum og hefjast kl 11:00. Að tónleikum loknum verður dansað kringum jólatréð. Að því loknu verður farið upp á 3. hæð þar sem selt verður kaffi. Kaffið verður selt til fjáröflunar, kr 1000 fyrir fullorðna. Allir eru beðnir um að koma með smákökur, muffins eða annað sem þægilegt er að taka í servíettu, á hlaðborðið.

Eins og fram hefur komið í fjölmiðlum skrifuðu Félag tónlistarkennara og Samand íslenskra sveitarfélaga undir kjarasamning hjá ríkissáttasemjara í morgun.

Um næstu helgi verður haldið strengjasveitarmót á Akureyri. Þar munu tæplega 300 strengjanemendur hvaðanæva að af landinu koma saman og spila af hjartans lyst. Mótið hefst á föstudagskvöld og verður æft þá og allan laugardaginn í Brekkuskóla, Íþróttahöllinni og í Hofi.