Fréttir

Svæðistónleikar nótunnar fyrir Norður- og Austurland verða föstudaginn 11. mars. Tvennir tónleikar verða; kl 14 og kl 16 og má búast við að úrslit liggi fyrir um kl 18. Þau atriði sem komast áfram taka svo þátt í lokatónleikum Nótunnar í Hörpu þann 10. apríl. Aðgangur er ókeypis og öllum heimill.

Axel \"Flexi\" Árnason upptökumaður ætlar að vera með masterclass hér í Tónlistarskólanum í þrjú kvöld, 14. 15. og 16. Mars.

Forval fyrir tónlistarverðlaun Nótunar verður í kvöld kl. 18:00 í Hömrum Allir velkomnir Fram koma nemendur skólans sem keppast um að komast á svæðistónleika nótunnar fyrir Norður og Austurland

Á laugardaginn síðast liðinn hélt Tónlistarskólinn á Akureyri upp á 70 ára afmæli skólans og einnig var þetta dagur tónlistarskólanna. fram komu 200.000 naglbítar og um 400 nemendur skólans. Flutt voru lög naglbítana ásamt vel þekktum lögum sem var meðal annars í flutningi Helenu Eyjólfs, en hún var leynigestur tónleikanna. Hér sjáiði glæsilega frétt á MBL um þessa tónleika.

Heil og sæl Þessi póstur er ætlaður þeim sem taka þátt í tónleikunum með 200.000 Nagbítum þann 20. febrúar. Þeir sem ekki taka þátt eru beðnir afsökunar á ónæðinu. Nú er heldur betur farið að styttast í þennan stórviðburð. Við héldum stóra æfingu í Hömrum síðasta mánudag. Allir voru mjög einbeittir og duglegir á þeirri æfingu þrátt fyrir að hún væri löng. Þetta eiga eftir að verða skemmtilegir tónleikar.

Vetrarfrí dagana 10. 11. og 12. febrúar Við óskum ykkur góðrar skemmtunar í vetrarfríinu og vonandi koma allir endurnærðir tilbaka

Sameiginlegur aðalfundur foreldrafélags Suzuki deildar og strengjasveita TónAk verður haldinn mánudagskvöldið 15. febrúar kl. 20 í Hofi í Höfða sem er á 3ju hæð í Hofi. Gert er ráð fyrir að fundinum ljúki eigi síðar en kl. 21:30 Á fundinum verða venjuleg aðalfundarstörf. Ræða þarf sérstaklega um fyrirhugaða ferð nemenda á afmælishátíð og tónleika Suzuki á Íslandi, sem fram fer um miðjan mars í Hörpu. (Suzuki deild) Heimsókn stúlknakórs frá Hamborg um hvítasunnu, kórinn mun halda tónleika með strengjasveit (Strengjadeild) Utanlandsferð strengjadeildar sem til stendur að farin verði á næsta ári Strengjasveitamót á Egilsstöðum næsta haust. Auk þessa gefst foreldrum gott tækifæri til að hittast og skiptast á skoðunum um skólann, námið og foreldrafélagið

Völuspá, Frans Lizt og Sibelius á tónleikum Sinfóníuhljómsveitar Norðurlands þann 14. febrúar 2016. Sinfóníuhljómsveit Norðurlands, Valgerður Guðnadóttir, Hymnodia og Kammerkór Norðurlands frumflytja VÖLUSPÁ.

Píla Pína Ævíntýri með söngvum eftir Kristján frá Djúpalæk með lögum Heiðdísar Norðfjörð, þekkja margir. Tónlist Heiðdísar og Ragnhildar Gísladóttur, við ljóð Kristjáns um Pílu Pínu, hefur flutt heilar kynslóðir á ævintýraslóðir. Það er föngulegur hópur leikara, söngvara, hljóðfæraleikara og brúða sem skapar heim Pílu Pínu, litlu hagamúsarinnar sem breytti heiminum. Tónlistin úr Pílu Pínu liggur nærri hjartarótum heillar kynslóðar af Íslendingum og fá áhorfendur loks tækifæri til að heyra hana með lifandi undirleik klassískrar hljómsveitar í Hamraborg. Þessa má geta að þónokkuð margir kennarar við Tónlistarskóla Akureyrar eru þáttakendur í sýningunni.

Undirbúningur Nótunnar - uppskeruhátíð tónlistarskóla er komin á fullt skrið. Þátttaka í ár er mjög góð. Fulltrúar í svæðisstjórnum út um land vinna ötullega við skipulag svæðistónleikanna í sínu héraði. Hér er facebooksíða Nótunar og allar nánari upplýsingar https://www.facebook.com/Notan2012/