Fara í efni

Blásarar

Hagnýtar upplýsingar

Blásaranámið er þríþætt;  einkatímar á hljóðfærið, hóptímar í tónfræði og samspil/hljómsveitir. Nemendur á öll blásturshljóðfærin fá 30 mínútna einkatíma tvisvar í viku. Kennslan fer fram í Tónlistarskólanum og grunnskólunum eftir samkomulagi við viðkomandi kennara. Blásaranemendur taka snemma þátt í hljómsveitarstarfi skólans. Við skólann er Byrjendasveit, Grunnsveit, Blásarasveit og Stórsveit. Einnig taka málmblásarar á hærri stigum þátt í jazz-grúppum rytmísku deildar skólans og öðrum verkefnum.  Regluleg framkoma á tónleikum og skapandi vinna er mikilvægur hluti af náminu. 
Mjög mikilvægt er að æfa sig daglega. Fyrir yngri nemendur er oft gott að æfa sig oft og stutt í hvert sinn frekar en sjaldan og lengi.

Í upphafi náms er hægt að leigja blásturshljóðfæri. Mælt er með að nemendur eignist sín eigin hljóðfæri að loknu Grunnprófi.
Mjög mikilvægt er að nemandinn læri strax góða meðferð á hljóðfærinu. Kennarinn leiðbeinir nemandanum hvernig á að þurrka hljóðfærið og setja í kassann að lokinni æfingu eða spilatíma.  Öll blásturshljóðfæri þarf að passa fyrir óvitum eins og litlum börnum eða gæludýrum. Ekki leyfa vinum að prófa hljóðfærin nema undir ströngu eftirliti. Tréblásturshljóðfærin eru sérstaklega viðkvæm fyrir hitabreytingum og raka. Ekki geyma þau út í bíl, upp  við ofn eða í gluggakistum. Þegar ekki er verið að spila þarf að ganga frá hljóðfærunum svo að þau verði ekki fyrir hnjaski. Þetta er sérstaklega mikilvægt á hljómsveitaræfingum. Ef hljóðfærin bila eða eitthvað situr fast t.a.m. munnstykki eða ventlar ræðið þá við kennarann. Alls ekki reyna að losa munnstykki, ventla eða baulur sjálf, það getur farið illa!

Hljóðfærin sem kennt er á í blásaradeild skiptast í tvo hópa; tréblásturshljóðfæri og málmblásturshljóðfæri.
Til tréblásturshljóðfæra teljast: blokkflauta, þverflauta, óbó, klarinett, saxófónn og fagott.
Til málmblásturhljóðfæri teljast trompet, kornett, es-horn, franskt horn, baritón-horn, básúna og túba.

Blokkflauta
Nemendur sem velja sér blokkflautuleik sem aðalnámsgrein leika að jafnaði ýmst á sópranblokkflautu eða altblokkflautu sem aðalhljóðfæri en þegar áleiðis miðar í náminu verður altblokkflautan aðalhljóðfærið.
Þverflauta
Algengast er að nemendur hefji þverflautunám 8-10 ára gamlir Fyrir yngri byrjendur eru til þverflautur með bognu munnstykki og þverflautur úr plasti! Þverflautan hefur hæsta tónsviðið af tréblasturshljóðfærunum og ákaflega hlýjan og fallegan tón. Auk þátttöku í blásarasveitunum gefst þverflautunemendum tækifæri á að spila í flautukór og leika með öðrum hljóðfærum,t.d. píanói og gítar.
Saxófónn
Algengast er að saxófónnám hefjist þegar nemendur eru 8-10 ára. Í byrjun náms er nemendum kennt á altsaxófón en seinna bætast við tenor- og sópransaxófónn. Saxófónnemendur læra að spila tónlist frá hinum ýmsu tímabilum tónlistarinnar. Saxófónninn er mjög vinsæll í jazztónlist, kjörið hljóðfæri fyrir þá sem vilja spreyta sig á hinum ýmsu tónlistarstílum!
Klarínetta
Að undanförnu hafa vinsældir klarínettunnar verið að aukast í tónlistarskólanum. Kennt er á svokallaða B-klarínettu. Algengast er að nemendur séu 8 – 10 ára þegar þeir hefja klarinettunámið. Klarínettur gegna mikilvægu hlutverki í blásarasveitunum, þíður tónn þeirra skapar mótvægi við skæran  hljóm málmblásaranna. Í skólanum er öflugt samspil klarinettunemenda, en auk þess gefst klarinettunemendum kostur á að leika í blásarasveitum skólans, sem og með öðrum hljóðfærum
Óbó
Nemendur geta hafið nám í óbóleik frá 8 ára aldri. Óbóið er ekki algengt en hinn þétti og þungi tónn þess stafar af því að hlóðfærið er svokallaður tvíblöðungur. Óbóið gegnir stóru hlutverki í snfóníuhljómsveitum og í tónlistarskólanum leika óbóleikarar með blásarsveitunum, píanónemendum og strengjum.
Fagott
Skólinn býr svo vel að eiga fagott til útláns og hafa fagottkennara. Fagott er tvíblöðngur eins og óbóið og tónninn er ekki sterkur en mjúkur og smá spaugilegur. Fagottið er stórt hljóðfæri og gott að vera orðin 10-12 ára þegar maður hefur nám á það. Skemmtilegt hljóðfæri fyrir þá sem hrífast af djúpum, mjúkum og spaugilegum tónum!
Trompet
Hægt er að hefja nám á trompet við 7 ára aldur og þá er oftast notast við minna hljóðfæri sem kallað er kornett.  Trompetinn hentar einnig vel fullorðnum byrjendum.  
Trompetinn hefur fallegan tæran hljóm og er oftast í mjög áberandi hlutverki.  Skemmtilegt hljóðfæri fyrir þá sem vilja vera í sviðsljósinu stelpur og stráka.
Sem trompetleikari stígur maður fæti niður í mörgum mismunandi spilastílum (klassík, Jazz, popp o.s.frv.) 
Horn
Hægt er að hefja nám á horn við 7 ára aldur, oft á sérstakt barnahorn eða es-horn. Hornið hentar einnig vel fullorðnum byrjendum.
Hornið með sinn hlýja tón sem passar vel bæði með tréblásturs/málmblásturshópum sem og strengjasveit, hefur úr mikilli tónlist að moða frá klassíska og rómantíska tímabilinu sem kammermúsíkhljóðfæri, einleikshljóðfæri og hljómsveitarhljóðfæri í sinfóníuhljómsveit.  Hornið er með mjög breitt tónsvið og mjög skemmtilegt fyrir bæði stelpur og stráka.
Básúna
Hægt er að hefja nám á básúnu við 7-8 ára aldur.
Hún hefur enga takka og er að því leyti frábrugðin hinum málmblásturshljóðfærunum.  Tónhæðin breytist með mismunandi mikið útdregnum sleða.  Básúnan er ómissandi í allar tegundir hljómsveita; blárasveitir, sinfóníuhljómsveitir, og stórsveit og hefur mikla breidd í styrkleikasviði sínu.  Eins og trompetinn er básúnan mikið notuð í jazz og popptónlist og bæði strákar og stelpur geta lært á hana.
Baritónhorn og Túba
Hægt er að hefja nám á Baritónhorn um 9 ára aldur og á túbu við 11-12 ára aldur.
Þessi hljóðfæri henta bæði strákum og stelpum. Einnig fyrir fullorðna byrjendur henta þessi hljóðfæri vel.  Túban er mikilvægasta hljóðfæri hljómsveitarinnar þar sem hún spilar botninn sem allt annað byggist ofan á.  Fyrir þá sem elska djúpa tóna og eru ábyrgir einstaklingar hentar túban ákaflega vel.
Einnig eru túban og baritónhornið stórkostleg einleikshljóðfæri. 

 

Hljómsveitarstarf:

Athugið að þátttaka í blásarasveitum er hluti af  námi í áfangadeild og því skyldumæting.

Sjá stundaskrá fyrir samspilstíma hjá blásurum

Nokkrar áhugaverðar slóðir:

http://www.rkingmusic.com/

http://www.musicroom.com/

http://www.youtube.com/

http://www.tonastodin.is/

http://www.yamaha.com/

http://www.selmer.com/

http://www.bachbrass.com/

http://www.sinfonianord.com/

http://www.sinfonia.is/

http://www.musik.is/

http://www.tonlist.is/

http://www.mic.is/

 

Kennarar:

Jakub Kolosowski                         Klarinetta, óbó, blokkflauta

Petrea Óskarsdóttir                      Þverflauta

Una Björg Hjartardóttir                 Þverflauta

Vilhjálmur Ingi Sigurðarson          Málmblástur

Helgi Þ. Svavarsson                       Horn

Þorkell Ásgeir Jóhannesson            Básúna

Aladar Racz                                   Undirleikur

Helena G. Bjarnadóttir                   Undirleikur