Fara í efni

Slagverk - Klassísk deild


Hagnýtar upplýsingar

Slagverksnámið í klassísku deildinni er þríþætt en þar er lögð áhersla á kennslu á hljómborðsslagverk, sneriltrommuleik og pákur auk þess sem nemendur fá að kynnast ýmiskonar samsetningu af slagverkshljóðfærum í einleiksverkum sem samin eru sérstaklega fyrir slagverk.  Einnig fer þar fram öflug samspilsstarfsemi hvort sem heldur eru sérstakir slagverkshópar eða þáttaka í sinfóníuhljómsveit eða kammerhópum.

Sem dæmi um hljómborðsslagverk má nefna víbrafóna, xylofóna, marimbur og klukkuspil. 

Pákur eru stillanlegar trommur sem gefa frá sér ákveðna tóna og eru mest notaðar í sinfóníuhljómsveitum eða kammerhópum en mikil áhersla er lögð á að nemendur nái góðu valdi á þeim. 
Auk sneriltrommunnar læra nemendur svo að leika á ýmiskonar trommur og smáhljóðfæri s.s. tamborínur, þríhorn, málmgjöll, hristur og allt annað sem fylgir þessari yfirgripsmiklu hljóðfærafjölskyldu.

Slagverksnámið er þríþætt;  einkatímar á hljóðfærið, hóptímar í tónfræði og samspil/hljómsveitir.
Mjögmikilvægt er að æfa sig daglega og fyrir yngri nemendur er oft gott að æfa sig oft og stutt í hvert sinn frekar en sjaldan og lengi.

Eftirfarandi hljómsveitir verða starfandi fyrir klassíska slagverksleikara í vetur:
Marimbana
Spoogie Boogie



Slagverkskennari við klassísku deildina er Ludvig Kári Forberg

Nokkrar áhugaverðar slóðir:

http://www.eng-kroumata.sk-2.se/

http://www.nexuspercussion.com/

http://www.evelyn.co.uk/

http://www.stevereich.com/

http://www.stomponline.com/interact.php