Suzukinám

Hagnýtar upplýsingar
Í Suzukideild er kennt á fiðlu, víólu, selló, kontrabassa og píanó. Kennt er eftir hugmyndafræði japanska fiðluleikarans Shinichi Suzuki og eru kennarar deildarinnar sérstaklega menntaðir sem Suzukikennarar eða eru í slíku námi. Suzuki trúði því að tónlistarhæfileikar væru ekki meðfæddir, heldur ráðist hæfileikar að aðstæðum og umhverfi sem börn eru fædd í. Lögð er áhersla á að námið sé stundað í jákvæðu umhverfi og læra nemendur eftir eyra fyrstu ári. Námsbókum fylgja geisladiskar og er mjög mikilvægt að nemendur séu duglegir að hlusta á þá. Nótnalestur er kynntur þegar við á. Foreldrar sækja alla tíma með börnum sínum fyrstu árin.

Kennslufyrirkomulag:
Nemendur geta hafið nám við 4-5 ára aldur. Við upphaf námsins sækja foreldrar tíma án barna sinna og það nám tekur um 3-4 vikur. Mikilvægt er að foreldrar fái innsýn inn í nám barna sinna, kynnist hugmyndafræðinnni og læra foreldrar að leika á hljóðfærin fyrst. Þessi grunnur er undirstaða þess að foreldrar geti sinnt náminu sem skildi, þar sem að foreldrar sjá um heimaæfingar fyrst um sinn.
Nemandi sækir einkatíma einu sinni í viku (1/2 hálftími) og hóptíma vikulega. Þegar líður á námið auka sumir nemendur við sig og eru tvisvar sinnum í einkatíma í viku og taka þátt í öðru samspili á borð við strengjasveitir skólans.

Suzukideildin hefur mjög öflugt foreldrafélag. Skipulagðar eru vorferðir, haustferðir, jólaball, skemmtikvöld svo ekki sé minnst á sameiginlegt kökuhlaðborð að loknum tónleikum deildarinnar. Foreldrafélagið tekur einnig þátt í skipulagningu Suzukinámskeiða. Mikill drifkraftur og elja félagsins hefur skilað sér mjög vel og myndast oft sterk vinabönd milli nemenda sem hægt er að þakka félaginu að miklu leiti.

Suzukikennarar
Ásdís Arnardóttir, selló- og kontrabassakennari
Eydís Úlfarsdóttir, víólukennari
Lidia Kolosowska, píanókennari
Magna Guðmundsdóttir, fiðlukennari
Marcin Lazarz, fiðlukennari

Nokkrar áhugaverðar slóðir:
Íslenska Suzukisambandið
Evrópska Suzukisambandið
Allegro Suzuki Tónlistarskóli
Suzukitónlistarskólinn í Reykjavík
Tónskóli Sigursveins D. Kristinssonar